250 ئاوارەی دیکەی لوبنان دەگەنە عێراق

ئاڤا نیوز

 

لە دوو ڕۆژی ڕابردودا 250 ئاوارەی دیکەی لوبنان لەڕێگەی فڕۆکەخانەی نێودەوڵەتی بەغداوە گەیشتوونەتە عێراق.

 

وێنە گەورەکە: لەگەڵ دەستپێکی هێرشەکانی ئیسرائیل بۆسەر لوبنان، عێراق دەرگای بۆ ئاوارەکانی لوبنان کردەوە، تا ئێستا هەزاران ئاوارەی ئەو وڵاتە گەیشتوونەتە عێراق، چاوەڕێش دەکرێت لە ڕۆژانی داهاتوو ژمارەکە زیاتر بەرزببێتەوە.

 

ڕاگەیێنراوی فەرمی: وەزارەتی کۆچ و کۆچبەرانی عێراق بڵاویکردەوە، لە 48 کاتژمێری ڕابردوودا، لە ڕێگەی فڕۆکەخانەی نێودەوڵەتی بەغداوە 250 ئاوارەی دیکەی لوبنان گەیشتوونەتە وڵات و ناویان تۆمارکراوە، لە ڕۆژانی داهاتووشدا بۆ ئەو شوێنانە دەگوازرێنەوە کە بۆیان دیاریکراوە.