تەیف سامی: هیچ کێشەیەک لە دابینکردنی مووچە بۆ ئەمساڵ و ساڵی داهاتووش نییە

ئاڤا نیوز 

 

وەزیری دارایی عێراق ڕایدەگەیێنێت هیچ کێشەیەک لە مسۆگەرکردنی مووچەی فەرمانبەران بۆ ئەمساڵ و ساڵی داهاتووش نییە، جەختیش لەسەر زیادکردنی داهاتی نانەوتی دەکرێتەوە.

 

چیرۆکی سەرەکی: ڕۆژی 13-10-2024 لیژنەی دارایی لە پەرلەمانی عێراق، میوانداری تەیف سامی، وەزیری دارایی عێراق کرد و لە میانی میواندایکردنەکە چەند بابەتێک تاوتوێکران.

 

ڕاگەیێنراوی فەرمی: نووسینگەی ڕاگەیاندنی پەرلەمانی عێراق ڕایگەیاند: لە میانی میوانداریکردنەکە چۆنیەتی جێبەجێکردنی بودجەی ساڵی 2024 لەڕووی داهات و خەرجییەکانەوە تاوتوێکرا، هاوکات وەزیری دارایی دووپاتیکردەوە کە کەمیی بودجەی ڕاستەقینە بۆ پارێزگا و وەزارەتەکان هەیە.

 

زانیاریی زیاتر: بە گوێرەی ڕاگەیێنراوەکە، پێویستی داڕشتنی خشتەی بودجە بۆ ساڵی داهاتوو بە شێوەیەکی واقیعی، بەبێ زیادکردن کە نەتوانرێت مسۆگەر بکرێت، جەخت لەسەر زیادکردنی داهاتی نا نەوتی کرایەوە و باسیش لەوە کرا کە هیچ کێشەیەک لە پرسی مسۆگەرکردنی مووچه بۆ ئەمساڵ یان ساڵی داهاتوودا نییه.

 

باکگراوند: بەهۆی دابەزینی نرخی نەوت و نەمانی سویلەی، پێشبینی ئەوە دەکرا کە عێراق لە ساڵی داهاتوو ڕووبەڕووی قەیرانی دابەشکردنی مووچە ببێتەوە.