لە هەولێر بەشێكی دیكەی پارەی گەنمی جووتیارانی دابەش دەكرێت

ئاڤا نیوز 

 

سایلۆی هەولێر، جووتیاران لە دەستپێكردنەوە بە دابەشكردنی چەكی پارەی گەنم ئاگادار دەكاتەوە.

 

ڕاگەیێنراوی فەرمی: لە ڕاگەیێنراوێكدا، سایلۆی هەولێر جووتیاران ئاگادار دەكاتەوە كە ڕۆژی سێشەممە 22-10-2024، دابەشکردنی چەکی جووتياران دەستپێدەکات لە زنجیرە (2298) تاوەکو زنجیرە (2470) کە گەنمەکانیان ڕادەست كردووە، لە سایلۆی هەولێر چەک وەردەگرن.

 

لەلایەكی دیكەوە: هاوكات سایلۆی هەولێر ئاماژەی بە ئەوەش داوە كە ئەو جووتیارانەی گەنمەكانیان ڕادەستی سایلۆی قوشتەپە كردووە ڕۆژی 22-10-2024، سەردانی سایلۆی قوشتەپە بكەن و چەكەكەیان وەربگرن، لە زنجیرە (624) دەستپێدەکات تاکو زنجیره(740).

 

زانیاریی زیاتر: دابەشكردنەكە لە كاتژمێر 9ی بەیانی تاوەكو یەكی پاشنیوەڕۆ دەبێت و جووتیاران پارەكانیان لە بانكی بەحركە وەردەگرن، هاوكات ئەو کەسەی چەکی بەناوە، دەبێت خۆی ئامادە بێت یاخود بریکارنامەی پەسەندكراوی ئەمساڵی هەبێت، ئەگەر خاوەن چەک كۆچی دوایی کردبێت، دەبێت دابەشنامەی یاسایی هەبێت لەگەڵ بریكارنامەی گشت ئەندامانی خانەوادەكە.