ئاڤا نیوز کاتی خەرجکردنی مووچەی مانگی 10 ئاشکرا دەکات

ئاڤا نیوز

 

هەوڵ دەدرێت ئەم هەفتەیە تێبینییەکانی بەغدا لەسەر لیستی مووچەی مانگی 10 چارەسەر بکرێن و بڕیارە هەفتەی داهاتوو خەرج بکرێت.

 
وێنە گەورەکە: شاندێکی هەرێمی کوردستان لە بەغدایە، لیستی مووچەی مانگی 10 یان لەگەڵ خۆیان بردووە و لەگەڵ وەزارەتی دارایی عێراق کۆدەبنەوە.

 

ئەوەی پێویستە بیزانیت: بڕیارە وەزارەتی دارایی عێراق مووچەی مانگی 10 بەبێ لێبڕین و بە چەند گوژمەیەک بنێرێت.

 

لێدوانی فەرمی: سەرچاوەیەک لە وەزارەتی دارایی و ئابووریی هەرێمی کوردستان بە ئاڤا نیوزی گوت: "شاندەکە لیستی مووچەی مانگی 10یان لەگەڵ خۆیان بردووە، بۆ ئەوەی هەر تێبینییەک هەبێت لەوێ گفتوگۆی لەسەر بکەن و چارەسەری بکەن ".

 
زانیاریی زایاتر: وەک سەرچاوەکەی ئاڤا باسی کرد، شاندی کوردستان لە هەوڵدایە هەر تێبینییەک لەسەر لیستی مووچە هەبێت ئەم هەفتەیە چارەسەر بکرێت، چاوەڕوانن لە سەرەتاى مانگى 11 واتە سەرەتای هەفتەی داهاتوو دەست بە خەرجکردنی بکرێت.

 

ژمارەکان وادەڵێن: بەپێی نوێترین داتا ژمارەی مووچەخۆران یەک ملیۆن و 114 هەزار و 63 کەسە، حکومەت مانگانە بۆ دابنیکردنی مووچە پێویستی بە 998 ملیار دینارە.