سەرۆکوەزیران بارزانی کۆلێژی پزیشکیی هەڵەبجە دەکاتەوە

ئاڤا نیوز

 

سەرۆکوەزیران بارزانی سەردانی پارێزگای هەڵەبجەی کرد و لەگەڵ بەرپرسانی ئیداریی پارێزگاکە کۆبووەوە؛ چەندین بڕیاری گرنگیشی لە بەرژەوەندیی هاونیشتمانیان دا. 

 

چیرۆکی سەرەکی: پێشتر سەرۆکوەزیران بارزانی بەڵێنی بە خەڵکی هەڵەبجە دابوو کە سەردانی ئەو پارێزگایە دەکات، ئەمڕۆ بەڵێنەکەی خۆی بەجێگەیاند و پارێزگای هەڵەبجە بەسەرکردەوە؛ بڕیاریشیدا کۆلێژی پزیشکی لە هەڵەبجە بکرێتەوە.

 

لێدوانی فەرمی: د. مەهاباد کامیل، سەرۆکی زانکۆی هەڵەبجە بە ئاڤا نیوزی ڕاگەیاند: "ئەو کۆلێژە پزیشکییەی کە سەرۆکوەزیران بڕیاری کردنەوەی دا، لە ساڵی داهاتووەوە قوتابی وەردەگرێت".