بەرزبوونەوەی نرخی زێڕ بازاڕی هاوشێوەکانی گەرمکردووە

ئاڤا نیوز 

 

لە هەشت مانگی یەکەمی ئەمساڵدا 140 هەزار و 842 کیلۆگرام زەردە هاوردەی بازاڕەکانی هەرێمی کوردستان کراوە و بەهۆی بەرزبوونەوەی نرخی زێڕ، هاوشێوەکانیشی نرخیان بەرزبووەتەوە.

 

وێنە گەورەکە: بەهۆی بەرزبوونەوەی نرخی زێڕ بەدرێژایی چەند مانگی ڕابردوو، خواستی ئافرەتان لەسەر زەردە بازاڕی ئەو ماددەی لە هەرێمی کوردستان گەرمکردووە، بەزۆری ئەو زەردەیە هاوردەکراوی وڵاتی چین، لیژنەی فتوای پێشتر ڕایگەیاندبوو، جگە لە زێر هەر شتێکی تر کە حەڵاڵ بێت دەتوانرێت وەکو مارەیی دیاری بکرێت. 

 

زانیاریی زیاتر:  ئێستا ئافرەتان خواستێکی زۆریان لەسەر ئەو ماددەیە هەیە و دەیکڕن و ئاوزێڕی دەکەن کە بەشێكیان وەکو جوانکاریی و بەشێکی تریان دوای فرۆشتنەوەی زێڕەکانیان ئەمە دەکەن، بەهۆیەوە جیاکردنەوەی لە زێڕ زۆر ئەستەمە تەنها لە جۆری ماددە و نرخ جیاوازن.