نرخی نەوت بەردەوامە لە بەرزبوونەوە

ئاڤا نیوز

بەهۆی ئاڵۆزییەكانی دەریای سوور و دەریای ناوەڕاست کە بووەتە هۆی کەمبوونەوەی ئاڵوگۆڕی بازرگانیی نەوت، هەفتەیەکە نرخی نەوت بەردەوامە لە بەرزبوونەوە بەڵام بەهێواشی.

ژمارەكان وادەڵێن:

یەك بەرمیل نەوتی خاوی برێنت بە 83 دۆلار و 32 سەنتە.
یەك بەرمیل نەوتی تێكساس بە 78 دۆلار و 24 سەنتە.
یەك بەرمیل نەوتی ئۆپیك بە 82 دۆلار و 62 سەنتە

هۆكارە زانراوەكان: هۆكارەكەی بۆ گرژی و ئاڵۆزییەکانی دەریای سوور، دەریای عەدەن و دەریای ناوەڕاست دەگەڕێتەوە، كە حوسییەكان بەردەوام مووشەك دەگرنە كەشتییە بازرگانییەكان و ئەمریكا و بەریتانیاش وەڵامیان دەدەنەوە.

لێدوانی فەرمی: ئۆپیك پڵەس ڕوونیدەکاتەوە، بڕی دابینکردنی نەوتی ڕۆژانە و مانگانە پارێزراوە و بەردەوامیش دەبن لە کەمکردنەوەی بەرهەمهێنان و هەناردەکردنی بۆ بازاڕەکانی جیهان. لەم چوارچێوەیەدا ڕۆژانە عێراق 200 هەزار بەرمیل و سعوودیە 300 هەزار بەرمیل کەمدەکەنەوە.