بەهۆی گەشتکردنی تەیف سامی خەرجکردنی مووچەی مانگی 10 دەکەوێتە دوای سەرژمێری

ئاڤا نیوز

 

بڕیار بوو لەم چەند ڕۆژەدا مووچەی مانگی 10ـی فەرمانبەرانی هەرێمی کوردستان  خەرج بکرێت. بەڵام بەهۆی سەفەری وەزیری دارایی عێراق بۆ دەرەوەی وڵات، خەرجکردنی مووچەی فەرمانبەران دەکەوێتە دوای سەرژمێری دانیشتووان.

زانیاریی بەدەستهاتوو: لەکاتێکدا فەرمانبەرانی هەرێمی کوردستان چاوەڕوان بوون بەغدا مووچەی فەرمانبەران بنێرێت، بەڵام بەگوێرەی زانیارییەکانی ئاڤا بەهۆی گەشتکردنی تەیف سامی، وەزیری دارایی عێراق خەرجکردنی مووچەی مانگی 10ـی فەرمانبەرانی هەرێمی کوردستان دەکەوێتە دوای ئەنجامدانی پرۆسەی سەرژمێریی دانیشتووان.

 

ئەمەش بزانە: دەسەڵاتی خەرجکردنی مووچە لەدەستی تەیف سامییە، ئەمەش وا دەکات تاوەکو لەسەفەرەکەی نەگەرێتەوە نەتوانرێت پارەی مووچەخۆرانی هەرێمی کوردستان خەرج بکرێت.

 

 

ئەوەی پێویستە بیزانیت: نزیکەی 50 ڕۆژە بەغدا مووچەی مانگی 10ـی فەرمانبەرانی هەرێمی کوردستانی ڕەوانە نەکردووە.

 

زانیاریی زیاتر: لەماوەی ڕابردوودا حکومەتی هەرێمی کوردستان لیستی مووچەی مانگی 10ـی ڕەوانەی بەغدا کرد. بەڵام بەغدا بیانووی جۆراوجۆر هەڕۆژە و بەربەستێک بۆ ڕەوانەکردنی مووچەی فەرمانبەران دروست دەکات.