ڕووسیا بە مووشەکی بالیستی هێرش دەکاتە سەر ئۆکراینا

ئاڤا نیوز

 

ڕووسیا بۆ یەکەمجار بە مووشەکی بالیستی کیشوەربڕ کە توانای هەڵگرتنی کڵاوەی ئەتۆمی هەیە، هێرش دەکاتە سەر ئۆکراینا.

 

چیرۆکی سەرەکی: دوای ئەوەی ئەمریکا و بەریتانیا ڕەزامەندیان نیشاندا ئۆکراینا مووشەکی دوور مەودا دژی ڕووسیا بەکار بهێنێت، لەکاردانەوەی ئەوەدا ڕووسیا بە مووشەکی بالیستی دەنگی، هێرشی کردە سەر ئۆکراینا. 

 

ڕاگەیێنراوی فەرمی: هێزی ئاسمانی ئۆکراینا لەبارەی مووشەکەکەوە ڕایگەیاند: ڕووسیا لە هەرێمی ئەستراخانی-یەوە بە مووشەکی بالیستیی کیشوەربڕ، هێرشی کردووەتە سەر شاری دنیپرۆ لە ڕۆژهەڵاتی ئۆکراینا.

 

زانیاریی زیاتر: ڕووسیا ساتی هەڵدانی مووشەکە بالیستییەکەی بڵاوکردووەتەوە کە دیمیتری مێدڤێدێڤ، جێگری سەرۆكی ئەنجومەنی ئاسایشی وڵاتەکە، لەو ساتەدا ئامادەبووە و فەرمانی بە هەڵدانی مووشەکەکە کردووە. 

 

باکگراوند: ماوەی دوو ساڵە شەڕی نێوان ڕووسیا و ئۆکراینا بەردەوامە و تادێت گرژی و ئاڵۆزییەکانی نێوانیان زیاتر دەبن، بەمەش مەترسی فروانبوونی شەڕەکە هەیە، هاوکات دەستوەردانی ئەمریکا و ژمارەیەک لە وڵاتانی ئەوروپا، جەنگی نێوان ئەو دوو وڵاتەی بردووەتە قۆناغێکی دیکەوە.