ئەندامێکی لیژنەی دارایی: بەدڵنیاییەوە ئەم هەفتەیە مووچەی مانگی 10 دەنێردرێت

ئاڤا نیوز

 

ئەگەرچی لە کۆتایی مانگی 11 نزیک دەبینەوە، بەڵام هێشتا بەغدا مووچەی مانگی 10 فەرمانبەرانی هەرێمی کوردستانی نەناردووە، ئەندامێکی لیژنەی دارایی پەرلەمانی عێراقیش دەڵێت: ئەم هەفتەیە مووچەی مانگی 10 دێت.

 

لێدوانی فەرمی: د.خەلیل دۆسکی، ئەندامی لیژنەی دارایی پەرلەمانی عێراق بە ئاڤا نیوزی وت، زانیارییەکان ئەوەن بەدڵنیاییەوە ئەم هەفتەیە مووچەی مانگی 10 دەنێردرێت، بەڵام بۆ دیاریکردنی ڕۆژەکە دڵنیا نین.

 

لەلایەکی دیکەوە: هەفتەی ڕابردوو ئاڤا نیوز لەسەر زاری ئیخڵاس دلێمی،  جێگری سەرۆکی لیژنەی دارایی لە پەرلەمانی عێراق بڵاویکردەوە، ڕێککەوتن لەسەر ناردنی مووچەی مانگی 10 و 11 و 12ی مووچەخۆرانی هەرێمی کوردستان کراوە و ئەو بودجەیەش کە تەرخان کراوە بەشی مووچەی ئەم سێ مانگە دەکات، بۆ مووچەی مانگی 10 ئاڤا زانیاری دەستکەوتووە سێشممە یان چوارشەممەی ئەم هەفتەیە دێت.