مەسعود حەیدەر: بەم میکانیزمەی ئێستا کێشەی مووچە چارەسەر نابێت

ئاڤا نیوز

 

مەسعود حەیدەر، بریكاری پێشووی وەزارەتی دارایی عێراق هۆشداری دەدات لە چارەسەرنەبوونی مووچەی مووچەخۆرانی هەرێمی كوردستان تەنانەت لە ساڵی داهاتووشدا.

 

وێنە گەورەكە: جارێكی دیكە گرفت بۆ ناردنی مووچەی مووچەخۆرانی هەرێمی كوردستان دروستبووە، دوای تێپەڕبوونی 25 ڕۆژ هێشتا مووچەی مانگی تشرینی یەكەم لەلایەن حكومەتی فیدراڵییەوە ڕەوانە نەكراوە. ئەوەش لەكاتێكدایە لە ساڵی 2014ـەوە، بەغدا بودجەی هەرێمی كوردستانی بڕی و بە درێژایی ئەو ماوەیە، بەردەوام مووچەی هەرێمی كوردستان دوادەكەوێت.

 

لێدوانی فەرمی: مەسعود حەیدەر، بریكاری پێشووی وەزارەتی دارایی لە هەژماری فەرمی خۆی ڕایگەیاند، كێشەی مووچەی ھەرێمی كوردستان بەم میکانیزمانەی ئێستا چارەسەر نابێت و لە ساڵی 2025ـدا، لە ھەمان بازنەدا دەخوولێتەوە.

 

لەلایەکی دیکەوە: مەسعود حەیدەر ئاماژەی بەوەشكردووە، ناردنی یاخود نەناردنی مووچەی مووچەخۆرانی هەرێمی كوردستان لەسەر میزاجی كەسی وەزیرێک یاخود بەڕێوەبەرێكی گشتی دەمێنێتەوە، لەكاتێكدا ئەو بابەتە پێویستی بە چارەسەری ڕیشەیی هەیە.