ڕووسیا فەرماندەیەکی سەربازی وڵاتەکەی لە سووریا دووردەخاتەوە

ئاڤا نیوز

دوای ئەوەی گرووپە چەکدارەکانی ئۆپۆزسیۆنی سووریا لە ماوەی دوو ڕۆژدا دووەم گەورەترین پارێزگای سووریایان کۆنتڕۆڵکرد، ڕووسیا بڕیاریدا فەرماندەی هێزەکانی وڵاتەکەی لە سووریا لە پۆستەکەی دووربخاتەوە.

 

وێنە گەورەکە: بەگوێرەی ڕۆژنامەی تێلگرافی بەریتانی لەگەڵ سەرەتای هێرشی گرووپە چەکدارەکانی ئۆپۆزسیۆن بۆسەر حەلەب و حەما، هێزەکانی ڕووسیا لە بنکەی سقیلبیە و حەمای ئاسمانی کشاونەتەوە، هاوکات ژمارەیەک سەربازیی ئەو وڵاتەش بێسەروشوێن بوون.

 

زانیاریی بەدەستهاتوو: ئاژانسی هەواڵی ڕۆیتەرز لە سەرچاوەکانی ناوخۆی ڕووسیاوە بڵاویکردەوە، مۆسکۆ بڕیاریداوە جەنەڕاڵ سێرگی کیسیل، فەرماندەی هێزەکانی ڕووسیا لە سووریا لە پۆستەکەی دووربخاتەوە، دوای ئەوەی گرووپە چەکدارەکانی ئۆپۆزسیۆنی سووریا توانییان حەلەب کۆنتڕۆڵ بکەن.