عەلوەی هاوچەرخی ئاکرێ 50٪ی تەواو کراوە

ئاڤا نیوز 

 

لە 50% کارەکانی دووەم گەورەترین سەنتەری بازرگانی و عەلوەی هاوچەرخ لە هەرێمی کوردستان تەواو کراوە و پرۆژەکە لەلایەن کۆمپانیایەکی ناوخۆیی جێبەجێ دەکرێت.

 

وێنە گەورەکە:  سەرۆکوەزیران مەسرور بارزانی ڕۆژی سێشەممە 11-06-2024، بەردی بناغەی پرۆژەکەی دانا و بە گوژمەی 22 ملیۆن دۆلار جێبەجێ دەکرێت.

 

لێدوانی فەرمی: نزار غازی، سەرپەرشتیاری پرۆژەکە بە ئاڤا نیوزی ڕاگەیاند: هەرچەندە پرۆژەکە ماوەی تەواوکردنی سێ ساڵی بۆ تەرخان کراوە، بەڵام توانراوە بە کەمتر لە ساڵێک 50% کارەکانی تەواو بکرێت، هاوکات پرۆژەکە لەسەر 98 دۆنم زەوی دروستکراوە و بڕیارە 200 دۆنمی دیکەی بخرێتە سەر.

 

ئەوەی پێویستە بیزانیت: سەنتەری بازرگانی و عەلوەی هاوچەرخی ئاکرێ لە 112 دووکانی عەلافان، 48 عەلوە و 19 دووکان، 20 کۆگا، 35 بنکەی فرۆشتن، 11 ساردکەرەوە، 2 قەپان، گۆڕەپانێکی فرۆشتنی سەوزە، ناوچەیەکی سەوزایەیی و نەمامگەیەک، هاوکات گەراجێکی تایبەت بە وەستاندنی ئۆتۆمبێلی تێدایە.