جووتیارانی دهۆک دوایین گوژمەی پارەی گەنمی ئەمساڵیان وەردەگرن

ئاڤا نیوز 

 

چەکی پارەی گەنمی جووتیارانی پارێزگاکانی هەولێر، سلێمانی، دهۆک و هەڵەبجە لە لقی هەولێری بانکی ناوەندییە، ئێستا ڕێکارەکانی خەرجکردن و گواستنەوەی پارە بۆ بانکەکانی هەرێمی کوردستان جێبەجێ دەکرێت.

 

وێنە گەورەکە: حکومەتی فیدڕاڵی ئەمساڵ بڕی 598 ملیار دیناری دیاریکرد وەك شایستەی دارایی 700 هەزار تۆن گەنمی ڕادەستکراو بە سایلۆکان لەلایەن جووتیارانی هەرێمی کوردستانەوە، لەماوەی شەش مانگی ڕابردوودا بەچەند گوژمەیەک پارەکەی ڕەوانەی هەرێمی کوردستان کرد و چەند ڕۆژێک پێش ئێستاش دوایین گوژمەی پارەکە خەرجکرا.

 

لێدوانی فەرمی: نازم ئەتروشی، بەڕێوەبەری بەبازاڕکردنی گەنمی دهۆک بە ئاڤا نیوزی ڕاگەیاند، ڕێککارەکانی گواستنەوەی پارە بۆ بانکەکانی کوردستان ماوەی دوو بۆ سێ ڕۆژ دەخایەنێت، ئەگەر هیچ گرفتێک نەیەتە پێش ئەم هەفتەیە جووتیارانی دهۆک بەر لە کۆتایی هەفتە پارەکانیان وەردەگرن."

 

ژمارەکان وادەڵێن: دوایین گوژمەی پارەکە 125 ملیار و 852 ملیۆن و 997 هەزار دینارە، بەمشێوەیە بەسەر پارێزگاکاندا دابەش دەبێت:-

هەولێر: 44 ملیار و 43 ملیۆن و 43 هەزار دینار.
سلێمانی: 47 ملیار و 642 ملیۆن و 421 هەزار دینار.
دهۆک: 34 ملیار و 165 ملیۆن و 533 هەزار دینار.