شاندی هەرێمی کوردستان لیستی مووچەی مانگی 12 لەگەڵ خۆیان دەبەن بۆ بەغدا

ئاڤا نیوز

 

ماوەی چوار ڕۆژە تیمێکی تەکنیکی وەزارەتی دارایی عێراق لە هەولێرن و بە هاوبەشی تیمی تەکنیکی وەزارەتی دارایی سەرقاڵی ڕاپۆرتی کۆتایین، سەبارەت بە تێبینییەکانی وەزارەتی دارایی لەسەر لیستی مووچەن، بەیەکەوە لیستی مووچەی مانگی 12 ئامادە دەکەن و سەرەتای هەفتەی داهاتوو دەیبەنە بەغدا.

وێنە گەورەکە: ماوەی 10 ڕۆژە وەزارەتی دارایی هەرێمی کوردستان لیستی مووچەی مانگی 12ـی ڕادەستی وەزارەتی دارایی عێراق کردووە، بەڵام بەهۆی تێبینییەکان جارێکی دیکە لەگەڵ تیمی تەکنیکی دارایی عێراق ئامادە دەکرێت و دەبرێتەوە بەغدا.

 

زانیاریی تایبەت: ئاڤا لە سەرچاوەیەکی وەزارەتی دارایی و ئابووریی هەرێمی کوردستان زانیاری وەرگرتووە کە دوای تەواوبوونی کارەکانیان تیمی تەکنیکی وەزارەتی دارایی عێراق دەگەڕێنەوە بەغدا و تیمی تەکنیکی وەزارەتی دارایی هەرێمی کوردستانیش لەگەڵیان دەڕۆن، بۆ ئەوەی لە زووترین ماوەدا ڕێکارەکانی خەرجکردنی پارەی مانگی 12 دەستپێبکات.

 

ئەمەش بزانە: وەزارەتی دارایی عێراق پارەی مووچەی مانگەکانی 10 و 11ـی بە ناتەواوی ناردووە و نزیکەی 600 ملیار دینار کورتهێنان هەیە هەوڵەکان بۆ ئەوەن پێش کۆتایی ئەمساڵ مووچەی مانگی 12 و 430 ملیار دینارەکە بنێردرێت کە پێشتر موناقەلە کرابوو و بڕیاری خەرجکردنی درابوو، تاوەکو ئێستاش دیارنییە بەغدا بۆ مووچەی مانگی 12 بڕی چەند دەنێرێت