ئەنجامدەری هێرشەکەی ئەڵمانیا پزیشکە و بەڕەچەڵەک سعودییە

ئاڤا نیوز

 

پۆلیسی ئەڵمانیا ئەنجامدەری هێرشەکەی شەو ڕابردووی وڵاتەکەی دەستگیر کرد، بەگوێرەی زانیارییەکان ئەنجامدەری هێرشەکە پزیشکە و بەڕەچەڵەک سعودییە.

 

وێنە گەورەکە: دوێنێ شەو ئۆتۆمبێلێک لە ڕۆژهەڵاتی ئەڵمانیا لە شاری مارگدێبورگ خۆی کرد بە نێو بازاڕێکی تایبەت بە کریسمسدا و بەهۆیەوە 11 کەس گیانیان لەدەستدا و 80 کەسی دیکەش بریندابوون.

 

لێدوانی فەرمی: پۆلیسی ئەڵمانیا لە بارەی ناسنامەی ئەنجامدەری هێرشەکە ڕایگەیاند: ''ئەنجامدەری هێرشەکە ناوی تالب جەوادە پزیشکێکی سعودیە کە لە ساڵی 2006ەوە لە ئەڵمانیا نیشتەجێیە". هاوکات پۆلیس دەشڵێت، "هیچ مەترسییەک لەسەر شارەکە نەماوە ''.

 

لەلایەکی دیکەوە: باڵیۆزخانەی سعوودیە لە ئەڵمانیا لە بارەی ڕووداوەکە بەیاننامەیەکی بڵاوکردەوە، کە تیایدا ئیدانەی هێرشەکەی سەر بازاری کرسمسی لە شاری مارگدێبورگ کرد. باڵیۆزخانەکە هاوسۆزی و سەرەخۆشی ئاراستەی کەسوکاری قوربانیان و ئەڵمانیا کرد و هیوای چاکبوونەوەی خێرای بۆ بریندارەکان خواست.