نزیکەی 40 هەزار هاووڵاتیی سووریا لە تورکیاوە گەڕاونەتەوە وڵاتەکەیان

ئاڤا نیوز

 

دوای کەوتنی دەسەڵاتی بەشار ئەسەد، سەرۆکی پێشووی سووریا، تاوەکو ئێستا نزیکەی 40 هەزار هاووڵاتی سووریا کە لە تورکیا پەنابەربوون گەڕاونەتەوە زێدی ڕەسەنی خۆیان. 

 

وێنە گەورەکە: دوای ساڵی 2011 و دروستبوونی شەڕی ناوخۆی سووریا، سەدان هەزار هاووڵاتی سووری پەناهەندەی وڵاتانی دراوسێ و ئەورووپا بوون، دوای نەمانی دەسەڵاتەکەی ئەسەد ئێستا دەگەرێنەوە زێدی خۆیان کە  بەشێکی زۆریان لە تورکیاوە بوون. 

 

لێدوانی فەرمی: عومەر پۆڵات، وەزیری بازرگانی تورکیا ڕایگەیاند: لە 8ی کانوونی یەکەمی ساڵی ڕابردووەوە تاوەکو ئێستا 27 هەزار و 941 هاووڵاتی لە ڕێگەی دەروازەی سنووری لە هاتای گەڕاونەتەوە سووریا.

 
باکگراوند: بەپێی ئامارەکانی سەنتەری لێکۆڵینەوەی جسوور ژمارەی پەنابەرانی سووریا لە دەرەوەی وڵات تا کۆتایی ساڵی 2023 گەیشتە نزیکەی شەش ملیۆن و 996 هەزار و 200 پەنابەر.