لیژنەی دارایی: مووچەی ئەمساڵی مووچەخۆرانی عێراق مسۆگەرە

ئاڤا نیوز 

 

 لیژنەی دارایی پەرلەمانی عێراق دووپاتی کردەوە، مووچەی فەرمانبەران و خانەنشینانی عێراق بۆ ساڵی 2025 مسۆگەر كراوە و هیچ کێشەیەکی نییە. 

 

لێدوانی فەرمی: جەمال کۆچەر ئەندامی لیژنەی دارایی پەرلەمانی عێراق ڕاگەیاند: مووچەی سەرجەم فەرمانبەران، خانەنشینان، چاودێرانی کۆمەڵایەتی و مووچەخۆرانی دیکەی کەرتی گشتی لە ماوەی ئەمساڵ بە تەواوی مسۆگەر کراوە، و هیچ کێشەیەک لەبارەیانەوە نییە. 

 

لەلایەکی دیکەوە:  ڕەفیق ساڵحی ئەندامی پەرلەمانی عێراق ڕوونیکردەوە: هەموو ئەو دەنگۆیانەی باس لەکەمی پارەی نەختینە دەکەن بۆ مووچەی فەرمانبەران ڕەتدەکەینەوە و دوورن لەڕاستییەوە.

 

ساڵحی ئاماژەی بەوەش کرد، بەگوێرەی بەدواداچوونی لیژنەی دارایی پەرلەمانی عێراق هیچ مەترسییەك لەسەر مووچەی فەرمانبەرانی حكومەت بۆ ئەمساڵ نییە.