سوپای ئێران ژمارەیەک فڕۆکەی بێفڕۆکەوانی نوێ بەرهەم دەهێنێت

ئاڤا نیوز

 

ئاژانسی هەواڵی تەسنیمی ئێران بڵاویکردەوە، سوپای ئێران 1000 فڕۆکەی بێفڕۆکەوانی کە تایبەتمەندی بەهێزیان هەیە بەرهەم دەهێنێت.

 

وێنە گەورەکە: لە سەرەتایی ئەم مانگەوە ئێران دەستی بە مانۆڕی سەربازی دوو مانگی کردووە، لە مانۆڕە سەربازییەکەدا مەشق لەسەر چۆنییەتی بەرگیکردن لە دامەزراوە سەرەکییە ئەتۆمییەکانی نەتەنز لە ئەگەری هەر هێرشێکی دەرەکی کرد. 

 

زانیاری بەدەستهاتوو: بەپێی هەواڵێکی ئاژانسی تەسنیمی ئێران، سوپای پاسدارانی ئێران و وەزارەتی بەرگریی ئێران هەزار فڕۆکەی بێفڕۆکەوانی نوێی بەرهەم هێناوە لەو بنکە سەربازیی و ناوچانە جێگیر دەکرێن کە پێویستیان پێیەتی ئەمەش وەک ئامادەکارییەک بۆ ئەگەری ڕووبەڕووبوونەوەی لەگەڵ ئیسرائیل و ئەمریکا.

 

ئەوەی پێویستە بیزانیت: ئەم فڕۆکە بێ فڕۆکەوانە نوێیانە توانایەکی بەرزیان هەیە لە چاودێری کردن و توانای فڕینی 2000 کیلۆمەتریان هەیە لەگەڵ چەندین تایبەتمەندی دیکە.

 

ئەمەش بزانە: بەپێی پۆلێنکردنی ماڵپەری 'گڵۆباڵ فایەر پاوەر' سوپای پاسدارانی ئێران لە ڕووی بەهێزییەوە لە پلەی 16ـەمین جیهان دایە، بە یەک پلە لە دوای ئیسرائیل دێت.