کۆڕبەندی دیپلۆماسی ئەنتاڵیا بە بەشداریی نێچیرڤان بارزانی دەستپێدەکات

ئاڤا نیوز

بە بەشداریی نێچیرڤان بارزانی و سەرۆک و نوێنەرانی 100 وڵات کۆڕبەندی دیپلۆماسی ئەنتاڵیا لە تورکیا دەستپێدەکات.

وێنە گەورەکە: ئەمڕۆ هەینی سێیەمین کۆڕبەندی دیپلۆماسی ئەنتاڵیا بە سەرپەرشتی ڕەجەب تەیب ئەردۆغان و بە دروشمی  "گەشەپێدانی ڕێگای دیپلۆماسی لە وەختی ئاڵنگارییەکاندا" دەستیپێکرد و سێ ڕۆژ بەردەوام دەبێت.

بۆچی گرنە: زۆرێک لە پرسە جیهانییەکانی وەک: گۆڕانی کەشوهەوا، تیرۆر، ئاسایشی ناوچەکە، شەڕی غەززە و ئاسایشی خۆراک گفتۆگۆیان لەبارەوە دەکرێت.

لە عێراقەوە: هەریەک لە نێچیرڤان بارزانی، سەرۆکی هەرێمی کوردستان، فوئاد حوسێن، وەزیری دەرەوە و قاسم ئەعرەجی، ڕاوێژکاری ئەنجوومەنی ئاسایشی عێراق بەشدارن و سبەی نێچیرڤان بارزانی بەشداری پانێڵێک دەکات.

ئەمەش بزانە: نوێنەرانی زیاتر لە 100 وڵات؛ 20 سەرۆک وڵات و سەرۆک حکومەت، 90 وەزیر کە 60 یان وەزیری دەرەوەن، 80 ڕێکخراوی نێودەوڵەتی  و چوار هەزار میوان لە کۆڕبەندەکەدا بەشدارن و لە 50 پانێڵ و دانیشتندا گفتوگۆ دەکەن.