ئەمریکا دڵنیایی دەداتە بنیامین ناتانیاهۆ

ئاڤا نیوز

 

مارکۆ ڕوبیۆ، وەزیری دەرەوەی ئەمریکا لە پەیوەندییەکی تەلەفۆنیدا بنیامین ناتانیاهۆ، سەرۆکوەزیرانی ئیسرائیلی دڵنیاکردەوە کە پاڵپشتیکردنی تەلئەڤیڤ یەکێکە لە کارە لەپێشینەکانی ئیدارەی نوێی دۆناڵد ترەمپ.

 

ڕاگەیێنراوی فەرمی: وەزارەتی دەرەوەی ئەمریکا لە بەیاننامەیەکدا ڕایگەیاند: مارکۆ ڕۆبیۆ، وەزیری دەرەوەی ئەمریکا لە پەیوەندییەکی تەلەفۆنیدا لەگەل بنیامین نەتانیاهۆ، سەرۆکوەزیرانی ئیسرائیل ئاماژەی بە سەرکەوتنی ئۆپەراسیۆنە سەربازییەکانی ئیسرائیل  دژی حەماس لە کەرتی غەززە و حزبوڵڵا لە لوبنان کردووە. هاوکات ڕوبیۆ ئامادەیی ئەمریکای "بۆ هاوکاریکردن لە ئازادکردنی سەرجەم بارمتە ئیسرائیلییەکان کردووەتەوە". 

 

ئەوەی پێویستە بیزانیت: لە سەردەمی ئیدارەی جۆ بایدن، سەرۆکی پێشووی ئەمریکا بەردەوام هاوکاریی سەربازیی و ڕێککەوتنی فرۆشتنی چەک لەنێوان ئەمریکا و ئیسرائیل واژۆکراوە.

 

باکگراوند: لە ڕۆژی یەکشەممە 19ـی 1ـی 2025 ئاگربەستی نێوان حەماس و ئیسرائیل لە کەرتی غەززە بە نێوەندگیری ئەمریکا و قەتەر و میسر ڕاگەیێنرا، بەڵام دۆناڵد ترەمپ دڵنیا نییە لە بەردەوامبوونی ئەم ئاگربەستەی نێوان ئیسرایل و حەماس.