حەماس ناوی چوار بارمتەی دیکە ئاشکرا دەکات

ئاڤا نیوز

 

بزووتنەوەی حەماس ناوی چوار بارمتەی دیکەی ئیسرائیلی ئاشکرا کرد، کە بڕیارە ڕۆژی شەممە ئازاد بکرێن. 

 

ڕاگەیێنراوی فەرمی: بەرپرسێکی  بزووتنەوەی حەماس ڕایگەیاند،'' هەر یەکە لە کەرینا ئاریێڤ، دانیێلا گیلبۆا، نەعمە لیڤی و لیری ئەلباگ، بارمتەی داهاتوو دەبن کە ڕۆژی شەممە ئازاد دەکرێن، ئەمەش لە چوارچێوەی لەقۆناغی یەکەمی ئاگربەست دایە''. 

 

زانیاریی زیاتر: هەر لە چوارچێوەی ئەو قۆناغەدا ئیسرائیل لە بەرانبەر ئازاد کردنی ئەو چوار بارمتەیە، ژمارەیەک زیندانیکراوی فەلەستینی ئازاد دەکات. 

 

ئەمەش بزانە: لەدوای 15 مانگی شەڕ و پێکدادانی ئیسرائیل و حەماس، لەگەڵ چوونە بواری جێبەجێکردنی قۆناغی یەکەمی ئاگربەست، سێ بارمتەی ئیسرائیلی ئازاد کران و 90 فەلەستینیش لە زیندانەکانی ئیسرائیل ئازادبوون. 

 

باکگراوند: لە 15-01-2025، بە نێوەندگیری ئەمریکا، قەتەر و میسر ڕێککەوتنی ئاگربەست لە غەززە هاتە ئاراوە، لە 19-1-2025 قۆناغی یەکەمی ئاگربەست کەوتەبواری جێبەجێکردنەوە.