ئەمریكا نقومبوونی كەشتییە بەریتانییەكەی لە دەریای سوور پشتڕاستكردەوە

ئاڤا نیوز

دوو هەفتە لەمەوبەر حووسیەکان بە مووشەک هێرشیان کردە سەر کەشتییەکی بەریتانیا لە دەریای سوور، ئەمڕۆ ئەمریکا ڕایگەیاند کەشتییەکە بەتەواوەتی نقومبووە.

وێنە گەورەکە: کەشتی ڕوبیماری بەریتانی لەلایەن حووسییەکانەوە بە مووشەک پێکرا، دوای 12 رۆژ بەریتانیا ڕایگەیاند کەشتییەکەیان پێ کۆنترۆڵ نەکراوە و بەتەواوەتی کەوتووەتە ژێردەریا، ئەمرۆ یەکشەممە ئەمریکا نقومبوونی تەواوەتی کەشتییەکەی پشتڕاستکردەوە.

بۆچی گرنگە: کەشتییەکە هەزاران تۆن پەینی کیمیایی هەڵگرتبوو، بەتەواوەتی دەریای پیس کردووە، ئێستا زیاتر لە 40 کیلۆمەتر چوار گۆشەی لە دەریایی سوور پیس کردووە و بەشێک لە ژینگە پارێزانیش بە مەترسی گەورەی دەزانن بۆ سەر پیسبوونی دەریا.

لێدوانی فەرمی: فەرماندەی ناوەندی ئەمریکا ڕایگەیاند: کەشتییە بەریتانییەکە دوو مووشەکی بەرکەوتبوو، رۆژی یەکشەممە بەتەواوەتی لە دەریادا نقومبووە.

ئەوەی پێویستە بیزانیت: کەشتییەکە، زیاتر لە 20 هەزار تۆن، کبریت و فۆسفات و ئەمۆنیۆم و چەندین جۆری ماددەی دیکە لەسەربووە.