ئەپیكۆر: هیچ رێككەوتنێكی نوێ بۆ هەناردەی نەوتی كوردستان نەكراوە

ئاڤا نیوز

کۆمەڵەی پیشەسازی نەوتی کوردستان، ڕەتیدەکاتەوە هیچ رێککەوتنێک لە نێوان هەرێمی کوردستان و عێراق کرابێت بۆ هەناردەکردنەوەی نەوتی هەرێمی کوردستان.

وێنە گەورەکە: 11 مانگە هەناردەی نەوتی هەرێمی کوردستان بۆ دەرەوە ڕاگیراوە، ئەمەش مانگانە نزیکەی یەک ملیار دۆلار زیانی بە ئابووری عێراق گەیاندووە، چەند رۆژێکە دەنگۆی ئەوە بڵاوبووەتەوە کە هەرێمی کوردستان و عێراق دووبارە رێککەوتوون بۆ هەناردەی نەوتی هەرێمی کوردستان، بەڵام ئەپیکۆر ڕەتیدەکاتەوە شتێکی وەها کرابێت.

ڕاگەیەنراوی فەرمی: کۆمەڵەی پیشەسازیی نەوتی کوردستان ڕایگەیاند: هیچ رێککەوتنێکی نوێ لەنێوان هەرێمی کوردستان و عێراقدا نەکراوە لەسەر هەناردەکردنەوەی نەوت، ئەمەش زیانی گەورە بە ئابووری هەرێمی کوردستان و عێراق دەگەیێنێت.

زانیاریی زیاتر : " لەڕاستیدا، هێشتا نازانین کە پاڵنەرە ڕاستەقینەکانی پشت ئەم هەواڵە ساختانە چین و بۆچی بڵاودەکرێنەوە".

باگگراوند:  لە 25ی ئاداری 2023 ەوە هەناردەکردنی نەوتی هەرێمی کوردستان لە ڕێگەی بەندەری جەیهانی تورکیا ڕاگیراوە، ئەویش بەهۆی بڕیارێکی دادگەی نێوبژیوانی پاریس لەسەر سکاڵای عێراق، تائێستاش هەوڵەکان بەردەوامن بۆ هەناردەکردنەوەی بەڵام هەناردە نەکراوەتەوە.