سوپای ئیسرائیل لە ناوەڕاستی غەززە دەکشێتەوە

ئاڤا نیوز

 

ئەمڕۆ شەممە سووپای ئیسرائیل لە چوارچێوەی ڕێککەوتنی ئاگربەست لەگەڵ حەماس، لە میحوەری نەتساریم لە ناوەڕاستی غەززە دەستی بە کشانەوە کرد.

 

بۆچی گرنگە: چۆڵکردنی میحوەرەکە، دەرگا دەکاتەوە بە ڕووی دانیشتووانی  ناوچەکە  بۆ ئەوەی بگەڕێنەوە و لە باکووری کەرتی غەززە نیشتەجێ بن.

 

ڕاگەیێنراوی فەرمی: سوپای ئیسرائیل ڕایگەیاند، ئەمڕۆ شەممە دەستیان بە کشانەوە کردووە لەو میحوەرە و پێشبینی دەکەن تا کۆتایی ڕۆژەکە تەواوی هێزەکەیان لەو ناوچەیە پاشەکشە بکات.

 

ئەوەی پێشبینی دەکرێت: بڕیاروایە ڕۆژی سێشەممە یاخود پێنجشەممەی ئەم هەفتەیە دانووستانەکان بۆ قۆناغی دووەمی ئاگربەست دەستپێبکات.

 

باکگراوند؛ ڕۆژی چوارشەممە ڕێککەوتی 15ـی 1ـی 2025، دوای 15 مانگ لە شەڕ و کوژرانی زیاتر لە 46 هەزار کەس، ڕێککەوتنی ئاگربەست و ئازادکردنی دیلەکان بە نێوەندگیریی ئەمریکا و میسر و قەتەر لەنێوان حەماس و ئیسرائیل ڕاگەیێنرا.