نەبوونی وێستگەی بارگاویکردنەوە گرفتی بۆ خاوەن ئۆتۆمبێلە کارەباییەکان دروستکردووە

ئاڤا نیوز

 

حکومەتی هەرێمی کوردستان بەمەبەستی پاراستنی ژینگە و هاندانی هاووڵاتییان بۆ کڕینی ئۆتۆمبێلی کارەبایی کە بە دۆستی ژینگە ناسراوە، باجی 100٪ی گومرگی لەسەر هەڵگرتووە، بەڵام بەهۆی گرفتی نەبوونی وێستگەی بارگاویکردنەوە، هاووڵاتییان کەمتر خواستیان لەسەر کڕینی هەیە. 

 

وێنە گەورەکە:  ئۆتۆمبێلی کارەبایی بۆ پاک ڕاگرتنی ژینگە و ڕووبەڕووبوونەوەی گۆڕانکاریی کەشوهەوا دروست کراوە. ئەو ئۆتۆمبێلانە هاوشێوەی ئەو ئۆتۆمبێلانەی بە گازوایل و بەنزین کار دەکەن، ڕوسوماتی  ژینگەیان لێ وەردەگیرێت، ئێستاش کار بۆ لابردنی ئەو باجانە دەکرێت، تا نرخی ئۆتۆمبێلەکان هەرزانتر ببن و خەڵکی زیاتر بەکاری بهێنن.

 

زانیاریی زیاتر: لە سلێمانی هیچ وێستگەیەکی بارگاویکردنەوە بەو ئۆتۆمبێلانە نییە، بۆیە گرفت بۆ خاوەنی ئەو ئۆتۆمبێلانە دروستبووە و پێویستییان بەوەیە کە 16 کاتژمێر لەماڵەوە ئۆتۆمبێلەکان بارگاوی بکەنەوە.