ئەسەد ستایشی پووتین و حەماس دەكات

 ئاڤا نیوز

بەشار ئەسەد، سەرۆكی سووریا، لە چاوپێكەوتنێكیدا لەگەڵ ڕۆژنامەنووسێكی ڕووسیا، ڕەخنە لە سیاسەتەكانی ئەمریكا دەگرێت و هاوكات ستایشی هەڵوێستەكانی پووتین دەكات و بەرگریی لە حەماس دەكات. 

لێدوانی فەرمی: بەشار ئەسەد لە چاوپێكەوتنەكەیدا لەگەڵ ڕۆژنامەنووسی ڕووسی ڤیلادیمیر سولیۆف، گوتوویەتی: حەماس هێرشی ڕۆژی حەوتی ئۆكتۆبەری بۆ بەرگریكردن لە خۆی كردووە و پێویستە ئەم هێرشە لە چوارچێوە مێژووییەكەیدا بخوێنرێتەوە.

زانیاریی زیاتر: ئەسەد هەروەها بەرگریی لە هێرشی ڕووسیا بۆ سەر ئۆكراینا كردووە و بە هێرشی حەماسی چوواندووە،بەو پێیەی هەر دووكیان بۆ ڕزگاربوون لە گەمارۆدان كراون.

 ئەوەی پێویستە بیزانیت: بەشار ئەسەد لە ساڵی 2015ەوە بووەتە هاوپەیمانی ڤلادیمیر پووتین، لەو كاتەوە ڕووسیا لە بەرژەوەندیی مانەوەی ڕژێمی ئەسەد لە دژی نەیارەكانی بەشار ئەسەدە.