لە بازگەكان ڕێگە بە هەناردەكردنی مریشک نادرێت

ئاڤا نیوز

بەهۆی ڕێگریکردن لە هەناردەکردنی مریشک و بەرهەمە پەلەوەرییەکان خاوەن کێڵگە پەلەوەرییەکانی سنوری ئیدارەی راپەڕین لە کۆنگرەیەکی رۆژنامەوانیدا داوای هاوکاری و ڕێگەدان بە هەناردەکردنی بەرهەمەکانیان دەکەن.

لێدوانی فەرمی: رەسووڵ عوسمان بەناوی خاوەن کێڵگە پەلەوەرییەکان لە کۆنگرەیەکی رۆژنامەوانیدا، ڕایگەیاند: ماوەی سێ رۆژە لە بازگەکانی ناوخۆ رێگەمان لێدەگرن، مریشک هەناردەی شارەکانی ناوخۆ و خوارووی عێراق بکەین، ئەمەش زیانی گەورەمان لێدەدات.

ئەوەی پێویستە بیزانیت: بە قسەی خاوەن کێڵگە پەلەوەرییەکان، کڕینی جوچک ئێستا لە 40 سەنتەوە بەرزبووەتەوە بۆ 80 سەنت و سەرەڕای زۆری خەرجی تا پێگەیاندنیان بەمریشک، بەڵام ڕێگەگرتن لە هەناردەکردنیان زیانی دەیان هەزار دۆلاریان لێدەدات و زیاندمەند دەبن.