نقومکردنی کەشتییەک لەلایەن حووسییەکانەوە مەترسیی کارەساتی ژینگەیی دروست دەکات

ئاڤا نیوز 

 

دوای ئەوەی کەشتییەکی بەریتانی لەلایەن حووسییەکان بە مووشەک کرایە ئامانج و نقومی دەریای سوور کرا، بەهۆی ئەو ماددانەی کە کەشتییەکە هەڵیگرتبوون، مەترسیی کارەساتی ژینگەیی لە ئارادایە. 

 

چیرۆکە سەرەکییەکە: نزیکەی 20 ڕۆژ بەر لە ئێستا کەشتییەکی بەریتانی لەلایەن حووسییەکانەوە لە دەریای سوور کرایە ئامانج، دوای نقومبوونی کەشتییەکە ئەوە ئاشکرا کرا کە ئەو کەشتییە هەڵگری پەینی نیتراتی ئەمۆنیۆمە. 

 

ئەوەی ئێستا ڕوودەدات: ئەو کەشتییە 20 هەزار تۆن لە پەینی کیمیایی، فۆسفات و چەند ماددەیەکی دیکەی هەڵگرتبوو، ئێستا کە بە ئاوی دەریای سووردا بڵاوبووەتەوە، ڕۆژ بە ڕۆژ زیانەکانی فراوانتر دەبن. 

 

زیانە سەرەکییەکان: تێکەڵبوونی ئەم ماددە کیمیاییانە دەبێتە هۆی لەنێوچوونی هەزاران گیانەوەری ئاوی و پیسبوونی ئاو بە پانتایی 100 کیلۆمەتر، هەروەها کارەساتێکی ژینگەیی دروست دەکات کە لە مێژووی یەمەن و ناوچەکەدا ڕووینەداوە.