نووسینگەی سوودانی بۆ ئاڤا: ئەمڕۆ سەرۆکوەزیران نایەت بۆ هەولێر

ئاڤا نیوز

سەرچاوەیەک لە نووسینگەی سوودانی بە ئاڤا میدیای ڕاگەیاند، ئەمڕۆ سەرۆکوەزیرانی عێراق سەردانی هەولێر ناکات و خشتەی کارەکانی سەرۆکوەزیران کۆمەڵێک کۆبوونەوە و چالاکی دیکە لە خۆدەگرێت.

چیرۆکی سەرەکی: لە شەوی ڕابردووەوە هەواڵی هاتنی سەرۆکوەزیرانی عێراق بۆ هەولێر بڵاوکراوەتەوە، بەڵام نووسینگەی ڕاگەیاندنی سوودانی هەواڵی هاتنەکەی پشتڕاستنەکردبووەوە.

زانیاریی بەدەستهاتوو: سەرچاوەیەک لە نووسینگەی محەممەد شیاع سوودانی، سەرۆکوەزیرانی عێراق بە ئاڤا میدیای ڕاگەیاند:

٠ وەک بڵاوکراوەتەوە سەرۆکوەزیران ئەمڕۆ نایەت بۆ هەولێر.

٠ هۆکاری نەهاتنی سوودانی بۆ هەولێر بۆ چڕوپڕی خشتەی کارەکانی دەگەڕێتەوە.

٠ سوودانی چاودێریی ژمارەیەک دیدار و کۆنگرەی باڵای دیکە لە بەغدا دەکات، لەوانەش کۆنگرەی لوتکەی عەرەبی.