چوار شاخەوان بەهۆی هەرەسهێنانی بەفرەوە گیان لە دەستدەدەن

 

ئاڤا نیوز

بەهۆی هەرەسهێنانی بەفرەوە لە ڕۆژهەڵاتی کوردستان 10 شاخەوان کەوتنە ژێر ڕەنووی بەفرەوە بەوهۆیەوە چوار شاخەوان گیانیان لەدەستدا و سێ کەسیش بریندار بوون.

چیرۆکی سەرەکی: ئەمڕۆ هەینی 2025-02-28، لە شاخەکانی دەوروبەری گوندی هەفتاشی بانە، لە پارێزگای سنەی رۆژهەڵاتی کوردستان، 10 شاخەوان کە هەشت پیاو دوو ئافرەت بوون کەوتنە ژێر هەرەسی رنووی بەفرەوە.

زانیاری بەدەستهاتوو: میدیاکانی رۆژهەڵاتی کوردستان بڵاویانکردەوە، لە ئەنجامی ئەو هەرەسهێنانی بەفرە سێ کەس بە برینداری لەژێر بەفرەکە دەرهێندران و چوار کەس گیانیان لەدەستداوە و سێ کەسیش بێسەروشوێنن. تیمە شاخەوانییەکە دە شاخەوان بوون هەشت پیاو و دوو ئافرەت لە گرووپەکانی: زاگرۆس، پاژین، گروپێکی بۆکانی، سورکێوٚ.

زانیاریی زیاتر: تیمەکانی فریاکەوتن و ژمارەیەکی زۆری هاونیشتمانییان بەرەو شوێنی رووداوەکە چوون بۆ دۆزینەوەی سێ شاخەوانەکە.