شێخ دارا: شەپۆلێکی دیکەی بارانبارین دەستپێدەکاتەوە

ئاڤا نیوز

شەپۆلێکی دیکەی بارانبارین ناوچەکانی هەرێمی کوردستان  دەگرێتەوە و پلەکانی گەرماش دادەبەزن، ئەگەری بەفربارینیش لە ناوچە شاخاوییەکاندا هەیە.

وێنە گەورەکە: کاریگەری شەپۆلی دەریای سوور لەسەر ناوچەکە بەردەوامە، دوو شەپۆلی دیکە دێن و باران بە بڕی جیاواز لە ناوچەکانی هەرێمی کوردستان دەبارێت، هەروەها ئەگەری بەفربارین لە ناوچە شاخاوییەکان هەیە.

لێدوانی فەرمی: شێخ دارا، شارەزا و پێشکەشکاری کەشوهەوا لە ئاڤا میدیا، لە گەشتی هەواڵەکانی کاتژمێر 07:00 ئاڤا میدیا گوتی،

- بەهۆی کاریگەری دوو شەپۆل لە دەریای سوور بۆ سەر ناوچەکانی ڕۆژهەڵاتی ناوەڕاست، ئێوارەی سبەی سێشەممە بارانبارین دەستپێدەکات و تاوەکو ڕۆژی شەممە شەپۆلەکە بەردەوام دەبێت.

- لە ناوچەکانی ناوەڕاست و خوارووی عێراقیش ئەگەری خۆڵبارین هەیە، بەڵام ناگاتە هەرێمی کوردستان.