بن گڤیر وەک وەزیری ئاسایشیی نیشتیمانی ئیسرائیل دەستنیشان دەکرێتەوە

 

ئاڤا نیوز

حکومەتی ئیسرائیل ڕەزامەندی دەربڕی لەسەر دووبارە دەستنیشانکردنەوەی ئیتمار بن گڤیر وەک وەزیری ئاسایشی نیشتمانی ئەو وڵاتە.

چیرۆکی سەرەکی: ڕۆژی سێشەممە، 2025-03-18، حکومەتی ئیسرائیل ڕەزامەندی دەربڕی لەسەر دووبارە دانانەوەی ئیتمار بن گیڤیر، سەرۆکی پارتی 'هێزی جوولەکە' کە  پارتی ڕاستڕەوی توندڕەوی ئیسرائیلە، وەک وەزیری ئاسایشیی نیشتیمانی ئیسرائیل و ئەمڕۆ چوارشەممە کنێست ئەو بڕیارە پەسەند دەکات.

ئەوەی لە بارەیەوە دەگوترێت: بە گوێرەی هەواڵی میدیاکانی ئیسرائیل، بن گڤیر و وەزیرەکانی دیکەی پارتەکەی جارێکی دیکە دەگەڕێنەوە حکومەتی ئیسرائیل، ئەمەش دوای دەستپێکردنەوەی ئۆپەراسیۆنە سەربازییەکانی دوێنێی سوپای ئیسرائیل لە کەرتی غەززە و کوژرانی سەدان هاووڵاتیی.

باکگراوند: ڕۆژی 2025-01-19، دوای ئەوەی ئاگربەستی غەززە کەوتە بواری جێبەجێکردنەوە وەک ناڕەزایەتیێک پارتەکەی بن گڤیر لە حکومەتی ئیسرائیل کشانەوە و مەرجیان بۆ گەڕانەوە ئەوە بوو، دەبێت پێشنیازەکەی ترەمپ بۆ ئاوارەکردنی خەڵکی غەززە جێبەجێبکرێت و ئۆپەراسیۆنە سەربازییەکان دژی حەماس بۆ گەڕانەوەی بارمتەکان بەردەوام بن.