وتەبێژی حەماس لە هێرشێکی ئیسرائیلدا دەکوژرێت

 

ئاڤا نیوز

لە دەرئەنجامی هێرشە بەردەوامەکانی ئیسرائیل بۆ سەر کەرتی غەززە، عەبدوللەتیف قانوع، وتەبێژی بزووتنەوەی حەماس کوژرا.

وێنە گەورەکە: ئیسرائیل دوای 57 ڕۆژ ‌هێرشە ئاسمانییەکانی بۆ سەر کەرتی ‌غەززە دەستپێکردەوە، ئەمەش بووە پوچەڵکردنەوەی ئاگربەستە دوو مانگیەکەی نێوان ئیسرائیل و حەماس لە غەززە، لەگەڵ دەتستپێکردنەوەی هێرشەکە زۆرێک لە سەرکردە دیارەکانی بزووتنەوەی حەماس کوژران.

زانیاریی بەدەستهاتوو:'' میدیاکانی سەر بە بزووتنەوەی حەماس بڵاویانکردەوە، عەبدوللەتیف قانوع، وتەبێژی بزووتنەوەکە لە هێرشێکی ئاسمانی ئیسرائیلدا لە باکووری غەززە کوژراوە''.

باکگراوند: لەگەڵ دەستپێکردنەوەی هێرشەکانی ئیسرائیل ژمارەی کوژراوانی شەڕی غەززە 50 هەزار کەسی تێپەڕاند، لە ماوەی یەک هەفتەدا 830 کەس کوژراون کە زۆربەیان ژن و منداڵن.