حەماس بە پێشنیازی نوێی ئاگربەست ڕازی دەبێت

ئاڤا نیوز

 

بزووتنەوەی حەماس ڕایگەیاند، بە پڕۆژەپێشنیازی نوێ بۆ ئاگربەستی شەڕی غەززە ڕازی بووە.

ئەوەی پێویستە بیزانیت: بەگوێرەی پێشنیازەکە، حەماس هەفتانە پێنج بارمتەی ئیسرائیلی ئازاد دەکات. 

لێدوانی فەرمی: خەلیل حەییە، سەرکردەی حەماس ڕایگەیاند، پێشنیازەکە لەلایەن میسر و قەتەرەوە، کە نێوەندگیریی دەکەن، دراوەتە دەست حەماس و ئەوانیش بە "ئەرێنی" بینیویانە و پەسەندیان کردووە.

زانیاریی زیاتر: حەییە، کە سەرۆکایەتیی تیمی دانوستاندنکاری حەماس دەکات، گوتیشی هیوادارە ئیسرائیل پێشێلی ئەم پێشنیازە نەکات.

بۆچوونی لایەنی بەرامبەر: هێشتا ئیسرائیل وەڵامی پێشنیازەکەی نەداوەتەوە؛ بەڵام نێوەندگیرەکان گوتوویانە کە ئاماژەی ئەرێنییان لە ئیسرائیلەوە بە دەست گەیشتووە.