چین %84 باجی خستە سەر بەرهەمەکانی ئەمریکا

ئاڤا نیوز

 

دواجار چین بڕیارەکەی سەبارەت بە ئەمریکا دا و ڕێوشوێنی "باجی گومرگی تۆڵەسەندنەوە"ـی بۆ سەر بەرهەمە ئەمریکییەکان گرتەبەر، بەمەش مەترسییەکانی جەنگی  بازرگانی نێوان واشنتن و پەکین زیاتربوو.

 

چیڕۆکی سەرەکی: بۆ وەڵامدانەوەی باجە گومرگییەکانی دۆناڵد ترەمپ، سەرۆکی ئەمریکا، بەرپرسانی باڵای چین ئەمڕۆ کۆبوونەوە، تاوتوێی ڕێوشوێنە ئابوورییەکان و سەقامگیرکردنی بازاڕەکانیان کرد.

 

ڕاگەیێنراوی فەرمی: وەزارەتی دارایی چین ڕایگەیاند، لە ڕۆژی پێنجشەممەوە 10-4 2025، چین بەڕێژەی 84% باج بەسەر کاڵا ئەمریکییەکان دەسەپێنێت.

 

باکگراوند: دوای بڕیارەکەی دۆناڵد ترەمپ، سەرۆکی ئەمریکا سەبارەت بە سەپاندنی باجی گشتگیر، چین بڕیاری دا بەڕێژەی 34% باج بخاتەسەر بەرهەمەکانی ئەمریکا، ترەمپیش لەبەرامبەر ئەمەدا وتی ئەگەر چین لەم بڕیارە پاشگەز نەبێتەوە، ئەوا بە ڕێژەی %50 باج دەخەینە سەر بەرهەمەکانی چین.