بوومەلەرزە نرخی جانتا و چادر لە ئیستەنبووڵ بەرز دەکاتەوە

ئاڤا نیوز

وەزارەتی بازرگانی تورکیا ڕێککاری پێویست بەرامبەر فرۆشیاران دەگرێتەبەر و سزایان دەدات.

 

چیرۆکە سەرەکییەکە: دوای ئەو بومەلەرزانەی هەفتەی رابردوو لە ئیستەنبووڵ ڕوویدا هاووڵاتیان پەنا دەبەنە بەر کڕینی جانتا و پیداویستییە خێرا فریاگوزارییەکان بۆ ئەوەی بتوانن لەکاتی تەنگانە و لێقەومان بەکاریبهێنن. 

ئەوەی پێویستە بیزانیت: وەک ڕێککارێکی بەهانەوەچوون لەکاتی ڕوودانی بوومەلەرزە و کارەساتە سروشتیییەکان تیمەکانی بەرگری شارستانی هانی خەڵکی دەدەن ئامادەکاری پێشوەختە بکەن، یەکێک لە ڕێککارەکان ئامادەکردنی جانتایەکە کە هەندێک لە پێداویستییە سەرەکییەکانی وەک خواردن و خواردنەوە و رووناکی و برین پێچ و ئەم بابەتانەی لەکاتی پێویست سوودی لێوەگرن لەخۆ دەگرێت.

ئەوەی لەبارەیەوە دەگوترێت: ترسی خەڵکی ئیستەنبووڵ لە ڕوودانی بوومەلەرزەی زیاتر خواستی خەڵکەکە لەسەر ئەم جۆرە جانتا و پیداویستییانە زیاتر دەکات، بۆ نموونە داتاکانی یەکێک لە پلاتفۆرمەکانی فرۆشتنی ئۆنلاین (هێپسی بورادا) ئاماژە بەوە دەدات لە ئیستەنبووڵ خواست لەسەر چادر بە رێژەی 5.5٪ و کیسە خەو 2.5٪ بەرزبووەتەوە. 

کاریگەری و لێکەوتەکان: بەشێک لە بازاڕ ئەمە بە دەرفەت دەزانن و نرخەکانیان بەرزکردووەتەوە،  وەزارەتی بازرگانیش دەڵیت، سزای هەرکەسێک دەدەین یاری بە نرخەکانەوە بکات، سزاکان زۆرن و لە هەندێک حاڵەتدا دەگاتە ملیۆنێک و 400 هەزار لیرە.