فایلی خەڵک؛ ژمارەیەک دووکان لە هەولێر کێشەی فڕێدانی زبڵیان هەیە

ئاڤا نیوز

ژمارەیەک دووکان کە کاریان فرۆشتنی کەلوپەل و جوانکاری ئۆتۆمبێلە لە سەر شەقامی 60 مەتری هەولێر کێشەی فڕێنەدانی زبڵیان هەیە و دەڵێن مانگانە پارە دەدەین و خۆمان زبڵەکان فڕی دەدەین.

چیرۆکی سەرەکی: دووکانی جوانکارییەکانی ئۆتۆمبێل لە شەقامی 60 مەتری هەولێر، بە تایبەت دووکانەکانی ژێر زەمینەکەی لەکاتی کارکردن زبڵ و پاشماوەیەکی زۆریان لا کۆدەبێتەوە و ناڕازین لەوەی شارەوانی زبڵەکانیان کۆ ناکاتەوە.

لێدوانی فەرمی: هێمن دووکاندارێکی جوانکارییەکانی ئۆتۆمبێڵە دەڵێت، ئەگەر خۆمان پاکی بکەینەوە و خۆمان زبڵ فڕێ بدەین، بۆچی پارە بدەین دەشڵێت، سکاڵام لە شارەوانیش تۆمارکردووە.

بۆچوونی لایەنی بەرامبەر: ژیار جەلال، بەڕێوەبەری ژینگەپارێزی و خزمەتگوزاری هەولێر، بە ئاڤا میدیای ڕاگەیاند: هەرشوێنێک ئۆتۆمبێلی کۆکردنەوەی زبڵی پێنەگات حاویەی گەورەمان بۆ داناون، دوایی تیمەکان دەچن زبڵی حاویەکان بەتاڵ دەکەنەوە. تیمەکانمان رۆژانە 9 جار ناو بازاڕەکان پاک دەکەنەوە، ئەو  15 هەزارە تەنیا هی کۆکردنەوەی زبڵەکەیە.