حکومەتی عێراق 58 ملیۆن دۆلار بۆ وەزارەتی ژینگە خەرج دەکات

ئاڤا نیوز

 

بەمەبەستی ڕووبەڕووبوونەوەی مەترسی گۆڕانکارییە ژینگەییەکان و پاڵپشتی لە پڕۆژەی وزەی نوێبووەوە، وەزارەتی ژینگەی عێراق بە بڕی زیاتر له 58 ملیۆن دۆلاری پاڵپشتیی پڕۆژەی تایبەت بەژینگە دەکات.

 

بۆچی گرنگە: عێراق یەکێکە لەو وڵاتانەی زۆرترین کاریگەریی گۆڕانی کەشوهەوای لەسەرە و  لەسەر ئاستی وڵاتانی عەرەبی لە پلەی پێنجەمی ئەو وڵاتانە دێت. 

 

لێدوانی فەرمی: لوئەی موختار، وتەبێژی وەزارەتی ژینگە ڕایگەیاند: حکومەت ڕەزامەندی دەربڕیوە بڕی 18.5 ملیۆن دۆلار بۆ ساڵانی 2025 تاوەکو 2031 خەرج بکات، بەمەبەستی چارەسەرکردنی ڕیشەیی ئەو شوێنانەی کە بە ماددەی کیمیایی و پیسکەرە ئەندامییە زیانبەخشەکان پیسبوون.

 

زانیاریی زیاتر: موختار ئاماژەی بەوەشکرد، حکومەت بڕیاری خەرجکردنی بڕی 40 ملیۆن دۆلاری بۆ گەشەپێدانی کشتوکاڵی و بەرزکردنەوەی توانا کشتوکاڵییەکان لە چەند پارێزگایەک داوە.