بەشەخۆراکی مانگی ڕەمەزان دابەش دەکرێت

ئاڤا نیوز

 

بەڕێوەبەری بازرگانی و کەلوپەلی خۆراکی هەولێر ڕایگەیاند، لە دوو ڕۆژی داهاتوو دەست بە دابەشکردنی بەشەخۆراکی مانگی ڕەمەزان دەکرێت.

 

چیرۆکی سەرەکی: بەشەخۆراکی مانگی ڕەمەزانی هاووڵاتیان لە 10 ماددە پێکدێت، بڕیاربوو لە سەرەتای مانگی ڕەمەزان دەست بە دابەشکردنی بکرێت، بەڵام "بەهۆی بە ئەلیکترۆنیکردنی پڕۆسەی ڕادەستکردنی پارە" لەلایەن بریکارەکانەوە، دابەشکردنەکەی دواکەوتووە. 

 

لێدوانی فەرمی: دلێر عەبدولواحید، بەڕێوەبەری بازرگانی و کەلوپەلی خۆراکی هەولێر بە ئاڤا نیوز گوت: لە دوو ڕۆژی داهاتوو پشکنینی ئەو چوار ماددەیەی زیادکراون تەواو دەبێت و دەست بە دابەشکردنی بەشەخۆراکی مانگی ڕەمەزان دەکرێت.

 

هۆکارە زانراوەکان: "بریکارەکان لە ڕێگەی ڤیزا کارتەوە بەشێوەی ئەلیکترۆنی پارەکە ڕادەست دەکەن، ئەو ماددانەی لە بەغدا دێن دووجار لە هەرێمی کوردستان پشکنینیان بۆ دەکرێت، لەبەر ئەم دوو هۆیە پڕۆسەکە دواکەوتووە."
دلێر عەبدولواحید وا دەڵێت

ئەوەی پێویستە بیزانیت: لە سنووری پارێزگای هەولێر، یەک ملیۆن و 971 هەزار هاووڵاتی بەشە خۆراکی مانگانە لە دوو هەزار و 100 بریکار وەردەگرن.