هەفتەی ڕابردوو ڕۆژانە زیاتر لە 200 هەزار بەرمیل نەوتی عێراق هەناردەی ئەمریکا کراوە

ئاڤا نیوز

 

بەگوێرەی نەخشەی ئیدارەی زانیاریی وزەی ئەمریکا، هەناردەی نەوتی عێراق بۆ ئەمریکا لە ماوەی هەفتەی ڕابردوودا بەرزبووەتەوە.

 

ڕاگەیێنراوی فەرمی: ئیدارەی زانیاریی وزەی ئەمریکا ئاشکرای کرد، تێکڕای هاوردەکردنی نەوتی خاوی ئەمریکا لە ماوەی هەفتەی ڕابردوودا لە هەشت وڵاتی گەورەی بەرهەمهێنەری نەوت گەیشتووەتە پێنج ملیۆن و 201 هەزار بەرمیل لە ڕۆژێکدا.

 

ئەوەی پێویستە بیزانیت: بەگوێرەی نەخشەی وزەی ئەمریکا، هەفتەی ڕابردوو هەناردەی نەوتی عێراق بۆ ئەمریکا 252 هەزار بەرمیل لە ڕۆژێکدا بووە، کە بەراورد بە هەفتەی پێشووتری 159 هەزار بەرمیل لە ڕۆژێکدا زیادی کردووە.

 

ئەمەش بزانە: زۆربەی هاوردەکردنی نەوتی ئەمریکا لە ماوەی هەفتەی ڕابردوودا لە کەنەدا بووە، لە دوای ئەویش مەکسیک بە تێکڕا 353 هەزار بەرمیل لە ڕۆژێکدا.