تابلۆ و ڕێكلامە نایاساییەكان لە شەقام و شوێنە گشتییەكان لێدەكرێنەوە

ئاڤا نیوز

شارەوانیی سلێمانی هەڵمەتی لێکردنەوەی ڕێكلامی نایاسایی لە شەقام و شوێنە گشتییەکان دەستپێكرد، دەڵێت ئەو هەڵمەتە بۆ پاکڕاگرتنی شارە.
   
چیرۆکی سەرەکی: لەبەردەوامی هەڵمەتەکانی بەشی خزمەتگوزاریی شارەوانیی سلێمانی بۆ پاکڕاگرتنی ژینگەی شارەكە، سەرلەبەیانی ئەمڕۆ شەممە ڕێككەوتی 19ـی تەمموز، تیمەكان دەستیان كرد بە لێکردنەوەی سەرجەم تابلۆ و ڕێكلامی نایاسایی هەڵوەسراو لە شەقام و شوێنە گشتییەکان.
                 
بەتەنیشت ئەم بابەتەوە: هەر لە بەردەوامیی کاروچالاکییەكانی بەشی خزمەتگوزاریی شارەوانیی سلێمانی، تیمەکانی شارەوانی دەستیان بەسەر چەند ئامێرێک  لە جۆری میکسەر و گەڵابە داگرت کە هۆکاربوون بۆ پیسبوونی ژینگەی  شەقام و شوێنە گشتییەکان و بەپێی یاسا ڕێگەپێدراو نییە و سەرپێچیكار ڕووبەڕووی لێپرسینەوەی یاسایی دەكاتەوە.