کێشەی "ئەی تی ئێم"ـەکانی ڕانیە چارەسەر دەکرێت

ئاڤا نیوز

هاونیشتمانیانی ڕانیە ناتوانن لەڕێگەی "ئەی تی ئێم"ـی هەژماری من مووچەکانیان وەربگرن و ئاڤا کێشەکە دەگەیێنێتە تیمی هەژماری من.

چیرۆکی سەرەکی: ئەمڕۆ یەکشەممە 27-7-2025، هاونیشتمانیانی ڕانیە پەیوەندییان بە ئاڤا میدیاوە کردووە، گلەییان هەیە لەوەی ئامێرەکانی "ئەی تی ئێم" لە ڕانیە کارناکەن و ناتوانن مووچەکانیان وەربگرن، جگە لەمەش قەرەباڵغییەکی زۆر لە شوێنەکە دروست بووە.

ئەوەی پیویستە بیزانیت: ئاڤا میدیا بە زووترین کات کێشەکەی گەیاندە تیمی هەژماری من، تاوەکو دەست بە ڕێکارەکانی چارەسەرکردنی کێشەکە بکرێت و هاووڵاتیان مووچەکانیان وەربگرن.

لێدوانی فەرمی: تیمی هەژماری من بە ئاڤای ڕاگەیاند: سەرجەم بانکەکانی بەشدار لە هەژماری من ئاگەدار کراونەتەوە لەوەی بە دەم کێشەوە بچن، "هەر ئەی تی ئێم"ێک پارەی تێدا نەمابێت، ئەوا پڕی بکەنەوە.

زانیاریی زیاتر: بە گوتەی تیمی هەژماری من، کێشەکە بە زووترین کات چارەسەر دەکرێت و دریژە ناکێشێت.