سەدان هەزار داری زەیتوون و فستق لە هەولێر دەچێنرێن

ئاڤا نیوز

پشتێنه‌ی سه‌وزایی هه‌ولێر چووه‌ته‌ قۆناغی جێبه‌جێكردن و سەدان هەزار داری زەیتوون و فستق دەبنە پشتێنی هەولێر و بەرهەمەکانیان لە بازاڕی ناوخۆ و دەرەوە ساغ دەکرێنەوە.

وێنە گەورەکە: پشتێنەی سەوزایی هەولێر یەکێکە لە پڕۆژە گرنگەکانی کابینەی نۆیەمی حکومەتی هەرێمی کوردستان، بەدوو قۆناغ جێبەجێ دەکرێت و ڕووبەڕی زیاتر لە 13 کیلۆمەتر دەکرێت بە زەیتوون و فستق.

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤای گوت، "قۆناغی یەکەم هەزار و 200 دۆنم لە بەحرکە تا ڕێگای مووسڵ دەکرێت بە سەوزایی سەدان هەزار داری زەیتوون بە دوو جۆر و فستقی لێ دەچێنرێت، قۆناغی دووەم  12 هەزار دۆنم دەبێت، دارەکان بە گوێرەی ئەندازەی کشتوکاڵی دەچێنرێت."

ئەوەی پێویستە بیزانیت: داری زەیتوون و فستق بەرگەی کەمئاوی دەگرن، دوای پێگەیشتنی بەرهەمەکە بەشێکی دەکرێت بە زەیتی زەیتوون، بەشێکی دیکە وەک پێخۆر لە بازاڕەکانی ناوخۆ و دەرەوە ساغ دەکرێتەوە، فستقیش لەناوخۆ ساغ دەکرێتەوە و هاوردەی دەرەوەش دەکرێت.