وەزارەتی دارایی خشتەی تەواوكاری فەرمانبەران و مووچەخۆرانی بڵاوكردەوە

ئاڤا نیوز

وەزارەتی دارایی و ئابووری هەرێمی كوردستان، خشتەی تەواوكاری مووچەی فەرمانبەران و مووچەخۆرانی هەرێمی كوردستانی بڵاوكردەوە و بەپێی خشتەکە تاوەکو چواری نیسان کۆتایی بە دابەشکردنی مووچەی مانگی شووبات دێت.

ڕاگەیێنراوی فەرمی: بەپێی خشتەکە ڕۆژی سێـی نیسان مووچەی هەریەک لە سەرۆکایەتی ئەنجوومەنی وەزیران، سەرۆکایەتی پەرلەمان، دیوانی وەزارەتی پێشمەرگە و لیواکان، ئەنجوومەنی ئاسایش و دەزگای ئاسایش دابەش دەکرێت.

زانیاريی زیاتر: ڕۆژی چواری نیسانیش مووچەی هەریەک لە هێزی زێرەڤانی، بەرگریی و فریاکەوتن، یەکەکانی 70 و 80 بەڕێوەبەرایەتی دامودەزگا نەوتییەکان و سەرۆکایەتی هەرێم دابەشدەکرێت.

ئەوەی پێویستە بیزانیت: ئەمڕۆ وەزارەتی دارایی لیستی مووچەی بڵاوکردەوە، بەڵام سێ سەرۆکایەتییەکە و هێزەکانی پێشمەرگە و بەشێک لە بەڕێوەبەرایەتی و دەزگا ئەمنییەکانی تێدا نەبوو.

ئەمەش بزانە: هەرچەندە وەزارەتی دارایی بەهۆی نەناردنی پارەی تەواو لەلایەن بەغداوە، بە دوو قۆناغ لیستی مووچەی ڕاگەیاند، بەڵام سەرجەم وەزارەت و دەستەکان لەماوەی کەمتر لە هەفتەیەکدا مووچەکانیان وەردەگرن.

لەلایەكی دیكەوە: دوێنێ سەرۆکوەزیران بارزانی وەزارەتی دارایی و ئابووری ڕاسپارد بۆ دەستپێکردنی دابەشکردنی مووچەی سەرجەم مووچەخۆران بۆ مانگی شوباتی 2024 و بڕیاریدا بە ڕاسپاردنی گشت وەزارەت و دامەزراوەکانی هەرێم بۆ ئامادەکردنی لیستی مووچەی سەرجەم مووچەخۆرانی هەرێم بۆ مانگی ئاداری 2024 تاوەکو ئاراستەی حکومەتی عێراق بکرێت بۆ خەرجکردنی.