كەشناسی: ئەمڕۆ پلەكانی گەرما دوو پلە دادەبەزن

ئاڤا نیوز

بەڕێوەبەرایەتیی كەشناسی و بوومەلەرزەزانیی هەرێمی كوردستان ڕایدەگەیێنێت ئەمڕۆ و سبەی ئاسمان ساماڵ دەبێت و پلەكانی گەرماش زیاتر دادەبەزن.

ڕاگەیێنراوی فەرمی: كەشناسیی هەرێمی كوردستان ڕایگەیاند: ئەمڕۆ لە هەرێمی كوردستان ئاسمان ساماڵ دەبێت و پلەكانی گەرماش دوو پلە بەراورد بە تۆماركراوەكانی دوێنێ دادەبەزن، سبەی بە هەمان شێوە ئاسمان ساماڵ دەبێت و پلەكانی گەرماش وەك ئەمڕۆ دەبن.

لێدوانی فەرمی: شێخ دارا، پێشكەشكاری كەشوهەوای ئاڤا میدیا ڕایگەیاند: لە چەند ڕۆژی داهاتووش دابەزینی پلەكانی گەرما بەردەوام دەبێت بەڵام بەشێوەیەكی سستر بەراورد بە ڕۆژانی ڕابردوو.

زانیاریی زیاتر: بەپێی پێشبینییەكانی كەشناسیی هەرێمی كوردستان ئەمڕۆ بەرزترین پلەی گەرما لە هەرێمی كوردستان لە دەڤەری گەرمیان دەبێت و نزمترینیش لە حاجی ئۆمەران دەبێت كە 29 پلەی سیلیزی دەبێت.