هۆشداری لە هەوای تاران دەدرێت

ئاڤا نیوز

سەبارەت بە کوالێتیی هەوای تارانی پایتەختی ئێران هۆشداری دەدرێت، دوا دەکرێت ئەوکەسانەی کە هەستیارییان هەیە بۆ ماوەیەکی زۆر لە دەرەوە نەمێننەوە. 

وێنە گەورەکە: لە بەشێک لە وڵاتانی جیهان ئێستا ڕێکاری جیاواز دەگیرێتە بەر بۆ ئەوەی هاووڵاتییانیان لە گۆڕانکارییە ژینگەییەکان بپارێزن، بەهۆی زیادبوونی ژمارەی ئۆتۆمبێل و چالاکییە پیشەسازییەکان کوالێتی هەوای زۆرینەی شارەکانی جیهان پیسبووە. 

ڕاگەیێنراوی فەرمی: میدیاکانی ئێران ڕایانگەیاند: هەوای تاران بۆ چینە هەستیارەکانی کۆمەڵگا، وەک ئەوانەی نەخۆشیی دڵ یان سییەکانیان هەیە، لەگەڵ منداڵان و کەسانی بەساڵداچوو، شایستە نییە و داوا کراوە خۆیان لە ئەنجامدانی چالاکیی قورس و درێژخایەن لە دەرەوەی ماڵ بە دوور بگرن. 

زانیاریی زیاتر: لە شەش مانگی ڕابروودا تاران 96 ڕۆژ هەوای شایستەی هەبوو، 58 ڕۆژ هەوای ناتەندروست بۆ چینە هەستیارەکانی کۆمەڵگا، 7 ڕۆژ هەوای ناتەندروست بۆ سەرجەم چینەکانی کۆمەڵگا، 6 ڕۆژ هەوای پاک، 2 ڕۆژ هەوای مەترسیدار و یەک ڕۆژیش هەوای زۆر ناتەندروست.