دوای بەدواداچوونێکی ئاڤا میدیا سەیرانگەی تەوسکە لە زبڵ و خاشاک پاک دەکرێتەوە

ئاڤا نیوز

زبڵ و خاشاکێکی زۆر لەسەر ڕێگای سەیرانگەی تەوسکەی سنووری هەولێر فڕی درابوو، ئاڤا میدیا پرسەکەی گەیاندە لایەنی پەیوەندیدار و چارەسەر کرا.

چیرۆکی سەرەکی: ڕۆژی هەینی ڕابردوو، ئاڤا میدیا کۆمەڵێک وێنە و ڤیدیۆی سەیرانگەی تەوسکەی لە سنووری هەولێر دەستکەوت، زبڵ و خاشاکیکی زۆر لە ناوچەکە فڕێ درابوو و سیمایەکی ناشارستانی بە ناوچەکە بەخشی بوو، ئەمەش کاریگەریی نەرێنی لەسەر کەرتی گەشتیاری هەبوو.

ئەوەی پێویستە بیزانیت: دوێنێ شەممە 6-9-2025، ئاڤا میدیا وێنە و ڤیدیۆکانی گەیاندە شوکری عەبدولخالق، بەڕێوەبەری شارەوانی کۆڕێ و تیمەکانی شارەوانی ڕاسپارد بە زووترین کات دەست بە پاککردنەوەی شوێنەکە بکرێت. 

زانیاریی زیاتر: ئەمڕۆ تیمەکانی شارەوانی چوونەتە شوێنەکە، تەواوی ئەو زبڵ و خاشاکەیان هەڵگرتووەتەوە کە لەو دەوروبەرە فڕێ دراوە و ژینگەی ناوچەکەیان پاککردووەتەوە، وێنەی ساتی پاککردنەوەکەشیان بۆ ئاڤا میدیا ناردووە.