ئامادەکاری بۆ ڕێکخستنی کۆڕبەندی ئابووری و وەبەرهێنانی نێوان کوردستان و هەنگاریا دەکرێت

ئاڤا نیوز

بە مەبەستی فراوانکردنی ئاڵوگۆڕی بازرگانی، ئامادەکاری دەکرێت بۆ ڕێکخستنی کۆڕبەندی ئابووری و وەبەرهێنانی نێوان هەرێمی کوردستان و هەنگاریا. بڕیاردرا، هەنگاوی پێویست لەلایەن تیمی هەردوولاوە لەبارەی کۆڕبەندەکەوە بنرێ

چیرۆکی سەرەکی: ئـەمـڕۆ دووشەممە 15-9-2025، د.محەممەد شوکری، سەرۆکی دەستەی وەبەرهێنان لەگەڵ تیڤادار گێرگێی تاکاچ، کونسولی گشتی هەنگاریا لە هەولێر کۆبووە.

ڕاگەیێنراوی فەرمی: دەستەی گشتیی وەبەرهێنانی هەرێمی کوردستان ڕایگەیاند، ئامانجی کۆبوونەوەکە گەشەپێدانی پەیوەندییەکانی ئابوری، وەبەرهێنان، فراوانکردنی ئاڵوگۆڕی بازرگانیی نێوان هەرێمی کوردستان و وڵاتی هەنگاریا بوو.

بەپێی ڕاگەیێنراوەکە، هەردوولا تاوتوێی ڕێکخستنی کۆڕبەندێکی هاوبەشی ئابووری و بازرگانی و وەبەرهێنان لەنێوان وەبەرهێنەر و سەرمایەدارانی وڵاتی هەنگاریا و هەرێمی کوردستان کرد.

ئەمەش بزانە: لە کۆبوونەوەی نێوان سەرۆکی دەستەی وەبەرهێنان و کونسوڵی گشتی هەنگاریا لە هەولێر  بڕیاردرا، هەنگاوی پێویست لەلایەن تیمی هەردوولاوە لەبارەی کۆڕبەندەکەوە بنرێ.