نرخی زێڕ بەشێوەیەکی چاوەڕواننەکراو دادەبەزێت

ئاڤا نیوز

نرخی زێڕ لە بازاڕەکاندا بەشێوەیەکی چاوەڕواننەکراو دابەزی و ئەندامێکی سەندیکای زێڕنگەرانی هەولێریش دەڵێت 'هەر ئۆنسەیەک زێڕ 21 دۆلار دابەزیوە'.

چیرۆکی سەرەکی: بۆ یەکەم جار لە سەرەتای ئەمساڵەوە لەلایەن بەڕێوەبەری بانکی ناوەندیی ئەمریکاوە دوێنێ چوارشەممە 2025-09-17 نرخی سووی بانکی کەمکرایەوە، ئەمەش کاریگەری لەسەر دابەزینی نرخی زێڕ دروست کرد.

لێدوانی فەرمی: سەفین وەرتی، ئەندامی سەندیکای زێڕنگەرانی هەولێر بە ئاڤا میدیای ڕاگەیاند: گۆڕانکارییەکی خێرا ڕوویدا و بۆ هەر ئۆنسەیەک زێڕ 21 دۆلار و هەر مسقاڵێکیش پێنج هەزار دینار دابەزیووە، هەروەها نرخی دۆلاریش 200 دینار دابەزیووە.

زانیاریی زیاتر: ئەمڕۆ نرخی زێڕ لە بازاڕەکاندا بەم جۆرەیە.

٠ مسقاڵێک زێڕ عەیار 22 بە 775 هەزار دینار

٠ مسقاڵێک زێڕ عەیار 21 بە 740 هەزار دینار

٠ مسقاڵێک زێڕعەیار 18 بە 635 هەزار دینار

ئەوەی پێویستە بیزانیت: نرخی یەک ئۆنسە زێڕ لە بازاڕەکاندا بە سێ هەزار و 658 دۆلار مامەڵەی پێوە دەکرێت.